Unos pouquitines más d'estos ditos que a algunos ños gusta recordá.
-Zorra vieja nu llazo se mexa.
-Depende del músico asina suena la gaita.
-La pita y la mocica, tempranico pa casica.
-Nu infierno d'unos buscan outros el sou
cielo.
-Maquilando, maquilando vai el mulineiro afurrando.
-Ferreiro que trabaya'l fierro fríu, tiempo
perdíu.
-Cuando'l
llobu come co nu can, d'acuerdo están.
-Sol madrugador y cura cocinero, nin el sol
durará mueito nin el cura será bueno.
- En caminu llargo, cortu'l paso.
- Mulino que nun tien maquila yía como vaca
sin esquila.
-Muerren los gatos y espúrrense los ratos.
-Al árbol viejo todos ye cortan lleña.
-Cajones pa los preguntones.
-Pa consolá las penas, mira pa las ajenas.
-Quien empieza ganando, acaba churando.
-Muerra el gato, muerra farto.
-La locura nun tien cura, y si la tien pouco
dura.
-El mulino que nun muel, algo ye duel.
-La gorxa sin muyar, que nun piense na
cuchar.
-Quien s'alegra del mal del vecino, el sou
vien de camino.
-Si quieres saber quien sos, pregúntaye al
tou vecino.
-Donde nun hay grasa, entra'l pan sin tasa.
-Pan d'outros pouco engorda.
-El cuco marciello trai la ñieve tras el
capiello.
-Si la culuebra sal pal camino antes d'abril,
buena ñevada está por vení.
-Contigo nun ando se nun sacas el compango.
-Cuando'l llobo vien al fatu, pobre de'l que
nun tien más que cuatro.
-Por más qu'escondas la oureya, sábese lo de
toda la caleya.
-Con pan tierno y lleña verde, la casa
pierde.
-Con el bolsillo ajeno, todo'l mundo yía
limosnero.
-El mal vien volando, pero marcha cusquiando.
-De la fogaza del compadre, buenas regoxas se
reparte.
Un saludo
Emiliano
No hay comentarios:
Publicar un comentario