Nu ñueso Trabazos siempre foi abundante la mitoloxía, onde las bruxas y outros seres facían medrá l’imaginario de la xente.
-Cuando entraba un airón (ráfaga de viento) na casa, decíase que yera un corro de bruxas. Pa espantalas facíanse fumazas cun cantruexa ou tumiello.-Cuando las bruxas querían invocar a Oudemu, queimaban ruda y faciendo un corro alredor decían:
“Eiquí que nun hay ruda
nin cardos beleños,
brincos y saltos
y que viva Oudemu”
-Tamíen buscaban la protección de las xentes, cuando ye daba un aire a dalgunu (parálisis, ictus …) afumábanlo cun cantruexa, planta que yera muy apreciada por las suas propiedades.
-Cuando cuyían acedas (planta silvestre) pa cumelas, cumu nun las llavaban y pur siacausu estaban malas, decían:
“Pur eiquí pasóu Dios,
pur eiquí la Virgen.
se tienen venenu
que ye lu quiten”
-Buscando esa protección tamién se usaban salmos escritos, incluso en latín, xuntu a una estampa ou una cruz. Yeran hojicas impresas que guardaban en bolsicas adornadas, los escapularios, que lluegu colgaban nu peitu. La mayoría yeran de la Virgen pediendo la sua protección. Ye las solían poné a los enfermos, pero tamién yera habitual entre las muyeres, sobre todo las madres.
-Cuando se perdía dalguna cousa, además de recurrir a San Antonio, santu muy importante en Trabazos, tamién había outros a los que se yes pedía favor y protección, cumu yera'l casu de San Cucufato. Según la tradición (se nun recuerdo mal) se ye facían tres ñuedos a un pañuelu, rezando a la vez una oración que diz: “San Cucufato, San Cucufato, los cataplines te ato y hasta que nun atopes …(lo que se perdíu) nun te los desato”.
-Falando de ñuedos, cuando había una verruga tamién se facían tres ñuedos nuna escoba nu monte ou los caminos, nun volviendo a pasar por eillí hasta que nun hubiera desaparecíu.
Un saludo para todos.
Rosalía
