 |
A lo llargu de los años, cuando en Trabazos había más xente y cousas que facer, dábanse situaciones nu tiempu y del temporal que podían faceye mueitu mal a los bienes que había, sobre todo a las cosechas. Pa intentá influyir na posible protección d’ellos, rogábase, invocábase y pedíase ayuda. Dalguna d’estas situaciones yeran típicas del vranu, cumu las turmentas.
Cuando había truenu cun ñubrina, decíase un conxuro pa espantala: “Marcha truena ñubrineira, nun andes pur estos caminos, cuéi outro caréu onde nun haiga pan nin paya, onque seya pa la sierra de Sanabria”.
La ñubrina yera dañina pa mueitas cousas, asina que había que facer lo posibre pa espantala. Había más d’un xeitu de rogaye que marchara:
* ”Marcha, ñubrina marcha, de montes y vallinas, qu’eillí alantre vien tíu xancu cono sou caballu brancu. Pon un pía nuna piedra y brinca pa la sierra”.
* “Marcha ñubrina, monte y vallina. Pon un pía na piedra y salta pa la sierra, qu’eillí verás a Juan Blanco conun burru brancu, una perra capilluda y un gallu cantador que da vueltas alredor”.
Facíase un corru mientras se cantaba, dando vueltas alredor ñuesa y sin pará hasta cayé de culu.
Cuando había tormenta, pa que nun veniera un pedrazu y estrupiara todo, encendíase una vela bendita (que había estáu encendida na tarde y noche del Jueves Santo, delantre del Santísimo) y recitábase:
“Santa Barbara bendita
que nu cielu estás escrita,
con papel y augua vendita.
Guarda pan y vinu
y a la xente un caminu”.
Outras maneras de facer pa espantá el truenu y los rellustríos yeran:
- Poné laurel no llume pa qu’escaparan.
-Tocá las campanas de la igresia deciendo: “Tente truena, tente truena”.
Un saludo para todos
Rosalía
