ACERTIJOS, ADIVINANZAS, COUSILLINAS

 

Trabazos 1995 Fotografía de Emiliano Carrera Cañal 

 Unos acertijos, cousillinas que también forman parte de nuestra historia y tradición oral. Algún día podremos hacer un serano, donde recordar y practicar expresiones como estas.

 

*Remenduda, remenduda y sin puntada ninguna.

-La pita (gallina)

 

*Redondu redondu cumu’n queisu y tien el rabu tiesu.

-El cazu (cazo)

 

*Una igresia branca, sin puerta nin tranca, nun entra nella lluz ninguna, nin de vela, nin de sol, nin de lluna.

-El güevu (huevo)

 

*El campu brancu, las flores ñegras, un aráu y cincu yeguas.

-Escribir nuna fueya (escribir en una hoja)

 

*Mi madre yía tartamuda, míu padre cantarín, tengo brancu'l vestíu y mariellu'l curazón.

-El güevu

 

*Llevo la casa'l llombu, ando sin ninguna pata, y voy dejando la marca con un filicu de plata.

-El caracol

 

* Estoi nel llume y nun me queimo, nu vallinu y nun me mueyo. ¿Quién soi?

-El fumu (humo)

 

*Pesar nun peso y pol aire voi, si me meto nos tous güeyos fágote churar.

-El fumu

 

*Nu monte ñaz, na vallina paz y nu rigueiru bebe cuando tien sede.

-L’arcu iris - arcu la vieya (arco iris)

 

*Estoi na tierra y despuéis chena de llazos, quien por mí chora está faciéndome cachos.

-La cebolla

 

Un saludo para todos.

Emiliano Carrera Cañal & Asociación Cultural Vurvuletas 

LOS TIEMPOS Y LAS GENTES

 

Trabazos años 80/90

Viejas expresiones que suman en nuestra cultura popular, de nuestras gentes y nuestro pueblín. Los días lluviosos siempre propicios para los juegos y diversión, también con los más pequeños.

 

Que chueva, que chueva,

la virgen de la Cueva.

Los paxarines cantan,

las ñubres se llevantan.

Que sí, que no,

que chueva a chaparrón,

con azucar y turrón.

 

***

Cucu cuquiellu

barbas d'escoba

¿Cuántos años faltan

pa la mía boda?

 

Cuquiellu del rey

rabu de fierru

¿Cuántos años faltan

pal míu entierru?

 

***

Soy del parecer del cucu,

páxaru que nunca añida,

pon el güevu nu ñíu ajenu

y outru páxaru lo criya.

 

***

Nun quiero los tous gordones

que nun los puedo amayular,

llévayelos a outra moza

a mí nun me los tienes que dar.

 

Un saludo para todos.

Emiliano Carrera Cañal & Asociación Cultural Vurvuletas 

DITOS Y REFRANES

 

Trabazos 1995 Fotografía de Emiliano Carrera Cañal 

  Unos pouquitines más, que siga gariando la fuente común y no se pierdan estas expresiones tan nuestras, de nuestra cultura.

-La muyer y la sardina, mejor pequerrina.

-En febrero cada pita pon el sou güevu.

-En mayo l’augua detrás de l’aráu.

-Cuando’l bien pasa, mételu pa la tua casa

-Boca sin muelas, mulinu sin piedra.

-El que primeiro chega´l mulinu, primeiro muel.

-Si te duel la cabeza, unta las cabiyas con manteca.

-Ningunu los calzóu que nun los cagara.

-Na casa chena, apriesa se fa la cena.

- La culpa del burru tírayela a l’albarda.

-Los cuidáos d’outros matan al burru.

-Dios consiente, pero no pa siempre.

-Párate a mixá y deprenderás a andá.

-Dios aprieta pero nun afuega.

-Lo que nun afuega, engorda.

-Pobre del pobre que ye dan caldu y sorbe.

-Por onde vai el ríu que vaigan las piedras.

-Si despuéis qu'escampóu veise la tierra afumiar, yía siñal que vai a seguir chuviendu hasta fartar.

-El que bien siembra, mejor cuéi.

-El que tien boca tien fala.

-Muerre'l corre corre y queda'l muerre muerre.

-Dios ños libre del home que nun fale y del perru que nun lladre.

-Los homes y las fabas falan por detrás.

-Lo bien feitu bien parez.

-El pan seruendín por San Martín.

-Cuando la pita busca'l sou ñal yía mala siñal.

-Si xela'n abril, mejor vuelve pal cubil.

-El diabru durme'n poucas payas.

-El que mueitu escarba atopa lo que nun quier.

 

Un saludo

Emiliano Carrera Cañal & Asociación Cultural Vurvuletas