Ditos y refranes

El Rigueiro 1995

Unos pouquicos más d'aquellos ditos que formaban y forman parte de la ñuesa cultura. Ojalá podamos seguir recogiendo y compartiendo entre todos, así podremos aprender y sumar.

-Entre las verdes y las maduras hay buenas apretaduras.

-Lo que Dios quier guardá, guardáu yía.

-Nun desiarás botella ou bota qu'esté vacía ou esté rota.

-Des que vieyu gaiteiru.

-Guarda paya p'abril, onque na más seya pa'l cubil.

-Las noches d'eneru salen siete veces a conceyu.

-Augua en tierra dura, tanto da hasta que fura.        

-En cada tierra el sou usu y en cada rueca el sou fusu.

-La boca sin dientes yía cumo la casa sin xente.

-Por el amu beilla el perru, y por el pan si ye lo dan.

-La mixada sin peidu, yía com'una fiesta sin gaiteiru.

-Entre marzo y abril sal el cucu del cubil.

-De junio p'alante nun hay ñubrina que nun llevante.

-Las penas y malas razones matan a los homes.

-Los mozos el domingo nun quieren el lunes.

-Los fiyos del vecinu, tienen los sous feitos por padrinu.

-Lo que fagas na cocina, que nun lo veya la vecina.

-Pol rabu la cuchar vai el gatu a la pota.          

-El que tien la llengua llarga, que tenga el llombu duru.

-Piérdese la xixa por nun salala y la leche por nun mazala.

-El home perdigueiru, nun xunta meda nin medeiru.

-Mocica de quince a veiente, cásate ñiña y nun esperes al rebuscu de la vendimia.

-Tierras tierricas, pol mediu cagadas y pol llau llambidicas.

-Cuantu más fondu yía'l pozu, más clarica sal l'augua.

-Al burru vieyu poucu verde.

-Quien mira pa las ñubres come cagayones.

-La casa con duas puertas yía mala de guardá.

-Cuando'l carru canta las vacas rabian.

-A buenas horas mangas verdes.

-Tras lo perdíu nun hay qu'andá.

-El mal pagador yía buen cobrador.

-Si despuéis qu'escampóu veise la tierra fumiar, yía siñal que vai chuver hasta fartar.

-La paya nu payeiru y la lleña nu lliñeiru.

-El qu'antes de morrer da lo que tien, si ye dan cu na eixada estaye bien.

-Na casa del capador todos chifran.

-A la yerba y a la paya daye cona gadaña.

-Al que quier beillar, con pouca gaita ye chega.

-L’avisáu ñaz del escarmentáu.

-De los escarmientos ñacen los avisáus.

Un saludo para todos 

Emiliano