Ditos y refranes ...

Procesión de Santiago

Año 1974

Unos pouquicos más, el refranero parece que es amplio. Gracias por las aportaciones varias.

-Al cabu l'añu, come más el malu que'l sanu.

-Pal mal añu, mal apañu.

-El mal que nun yía d'ahora nun mejora.

-Uno pal sacu y outro pal papu.

-Quien consigo se riye, de los sous pecáus s'acuerda.

-Sigún yía'l burro asina caga'l culo.

-El más burro delantre paque'l d'atrás nun s'espante.

-El pan que se come nun criya mofo.

-El que ara sin afondá con pouco vai a sembrá.

-Cuando el gallo canta la xente se llevanta.

-Hasta arrincá un ayo cuesta trabayo.

-El culo mal enseñáu deixa'l amo avergonzáu.

-La muyer del buen home parez soltera.

-Nu peligro conócese al amigo.

-El zorro viejo huel la trampa.

-Hay que descansá que mañana yía día de garabuyos.

-Bien sabe'l gato que barbas llambe.

-Perro que mueito se llambe acaba por sangrá.

-El viernes de creciente fa de menguante.

-Facer y desfacer fa al ñiño deprender.

-Los pioyos de los pobres son los que más pican.

-Cada pobre como puede.

-Dios y el diabro nu mismo saco nun caben.

-Val más buraco bien feito que mal remiendo.

-El rato que nun sabe más qu'un buraco, pronto lo pesca'l gato.

-La más ruin ouveya yía la que más berra.

-El tucino nun yía d'ouveya.

-Al home po la llengua y al reco po la gorxa.

-Cuando s'abre la boca yía fame, sueño, ou afán del dueño.

-L'amor con fame pouco dura.

-Se quieres verte farto, cada día aforra un cuarto.

-Nunca estades cuntentos, nin fartos nin famientos.

-El que más chifla, capador.

-El aire d'abril hasta las peñas fa abrir.

-El qu'espera desespera.

-Mientras menos bulto, más claridá.

Un saludo.

Emiliano